भर्खरैमात्र सार्वजनिक भएको देशप्रेम गीतको म्युजिक भिडियोमा ‘प्यारो नेपाल’ मा ३० जना बढी कलाकारले अभिनय गरेका छन् ।
लमजुङको क्व्होलासोथार गाउँपालिका २, शैलुङ घर भइ हाल अमेरिकामा रहेका प्रेम गुरुङले ‘प्यारो नेपाल’ नामक म्युजिक भिडियो बजारमा ल्याएका हुन् ।
म्युजिक भिडियोमा राजेश पायल राई, प्रेम गुरुङ, सुस्मिता गुरुङ, उर्मिला गुरुङ, रञ्जिता गुरुङ, गीता राई, एन्सर्ज गुरुङ, रुथमान गुरुङ, सुष्मा गुरुङ, अशोक गुरुङ, सुवर्ण शाक्य, सरोज गुरुङ, सारा शाक्य, अन्जित गुरुङ, समीक्षा गुरुङ, सोनाम छुकपाएले अभिनय गरेका छन् ।
यस्तै, सुरज गुरुङ, इशा गुरुङ, भीम गुरुङ, प्रकृति गुरुङ, कृष्ण गुरुङ, रेजिना गुरुङ, रोहित गुरुङ, सलिना गुरुङ, चित्रबहादुर गुरुङ, अर्पिता गुरुङ, विषम गुरुङ, श्रीषा गुरुङ, ओजल गुरुङ, दिया गुरुङलगायत कलाकारको अभिनय छ । उनीहरुले विभिन्न जातजातिको भेषभूष लगाएर अभिनय गरेका छन् ।
अमेरिका र नेपालका रमणीय ठाउँमा छायांकन गरिएको उक्त म्युजिक भिडियो ६ मिनेट ४१ सेकेन्डको रहेको छ । गुरुङ फिल्मका नायक तथा रचनाकार प्रेम गुरुङले लेखेको यो गीतमा राजेश पायल राई, तारा श्रीस र गीता पाइजा पुनको आवाज छ । गीतमा तेजेन्द्र गुरुङको संगीत रहेको छ । गीत र म्युजिक भिडियोमा नेपाली र नेपाली पहिचान झल्किएको छ ।
भूपेन्द्र गुरुङको निर्देशनमा निर्माण गरिएको म्युजिक भिडियो ग्लोबल नेपाल इन्टरटेन्टमेन्ट नामक युट्युब च्यानलमार्फत शुक्रबार सार्वजनिक भएको हो । म्युजिक भिडियोलाई भूपेन्द्र गुरुङले निर्देशन गरेका छन् ।
म्युजिक भिडियोमा शंकर विसीको कोरियोग्राफी छ । शम्भू मोक्तान र प्रविन थापामगरले छायांकन गरेको म्युजिक भिडियोमा अविनास मानन्धरले ड्रोन उडाएका छन् । म्युजिक भिडियोको सम्पादन बन्दे प्रसादले गरेका छन् ।
प्रकाशित मिति: मंगलबार, पुस २, २०८१ २१:३६
