बिहिबार, साउन १४, २०७८ / Jul 29, 2021
Loading...

शासकको स्वभाव हठी भएपछि जनताले दुःख पाउँछन्

Advertisement
शासकको स्वभाव हठी भएपछि जनताले दुःख पाउँछन्
Advertisement

गणेश शाह पहिलो संविधानसभा निर्वाचनपछि तत्कालीन माओवादी अध्यक्ष पुष्पकमल दाहाल ‘प्रचण्ड’ प्रधानमन्त्री रहेको सरकारमा तत्कालीन नेकपा संयुक्तका तर्फबाट मन्त्री थिए ।

त्यसको केही वर्षपछि नेकपा संयुक्त तत्कालीन माओवादी केन्द्रमा एकीकृत भयो । यसपछि बनेको नेकपामा शाह स्थायी कमिटी सदस्य छन्

बौद्धिक नेतामा गनिने शाहसँग खबरहबका प्रधानसम्पादक गोविन्द लुइँटेलले नेकपामा चर्किएको द्वन्द्वमा केन्द्रित भएर कुरा गरेका छन् ।

स्थायी कमिटी बैठकमा शीर्ष नेतासहित अधिकांश सदस्यहरूले प्रधानमन्त्री केपी शर्मा ओलीको राजीनामा मागिरहेका बेला सरकारले त अचानक संसद अधिवेशन अन्त्य पो गरिदियो त !

केही अनुमान त हुन थालेको थियो तर अचानकै संसद अधिवेशन अन्त्य गरियो । यो त संसदीय पद्धति र गरिमाकै अवमूल्य हो । पार्टीको पनि अवमूल्यन हो ।

प्रधानमन्त्री निवासभित्रै पार्टी स्थायी कमिटीको बैठक भइरहेका बेला मन्त्रिपरिषदको बैठक भयो र संसदको चालु अधिवेशन अन्त्य गर्ने निर्णय भयो । त्यहीँ भएका पार्टी नेताहरूले थाहा पाएनन् ।

झम्सिखेलमा भएको स्थायी कमिटीका केही सदस्य र केही नेताहरूको बैठकपछि प्रधानमन्त्रीले पक्ष, विपक्ष, सभामुख कसैसँग केही परामर्श नगरी, केही सुइँको नदिई संसद अधिवशेन अत्य गराउनुभयो । प्रधानमन्त्रीको यो कदमले केही अप्रत्याशित घटनाहरूतर्फ संकेत गर्छ ।

तपाईंले अप्रत्याशित घटना भनेर के संकेत गर्न खोज्नुभएको हो ?

नयाँ घटनाहरू हुन सक्छन् । पार्टी विभाजन गर्न सजिलो हुने गरी तीन महिनाअघिजस्तै अध्यादेश आउन सक्छ । संकटकाल लागु हुनसक्छ । पार्टी विभाजन हुन सक्छ । सरकार फेरदबलको खेल सुरु हुनसक्छ । बालुवाटार खुमलटार, झम्सिखेल आदिको सक्रियता बढ्छ र झन् बढी ध्रुवीकरण हुन्छ ।

संसद अधिवेशन नभएपछि प्रधानमन्त्रीलाई आफूअनुकूल निर्णय गर्ने बाटो खुल्छ ।

पार्टीभित्र अविश्वास त छँदै थियो । प्रधानमन्त्रीको कदमले अविश्वासको खाडल झन गहिरो भयो । खाडल पुर्न तत्कालै कुनै चमत्कार भइहाल्ने म देख्दिनँ । शिष्टताको भेटघाट छैन । नेताहरूका बीचमा शिष्टाचारपूर्वक भेट हुने, गफगाफ हुने इत्यादि केही पनि छैन । विचार–विमर्शको संस्कृति छैन । कोभिडको संकट छ । बेरोजगारी बढेको छ । शिक्षा, स्वास्थ्य, व्यवसाय सबैतिर अनिश्चितता छ । आत्महत्याका घटना बढेका छन् ।

यस्तो चौतर्फी संकटको समयमा सत्तारुढ दलभित्र वारपारको अवस्था छ । प्रधानमन्त्रीको समर्थनमा सडकमा जुलुस हुन थालेको छ । चौतर्फी संकटको समयमा जनताका सबै समस्या ओझेलमा परेका छन् ।

Advertisement

यो समाचार पढेर तपाईको प्रतिक्रिया के छ?

  • 0%
  • 0%
  • 0%
  • 0%
  • 0%

सम्बन्धित समाचार

Advertisement

नेपालन्युज प्रालिद्वारा प्रकाशित

महाप्रवन्धक- बिमल गुरुङ

कार्यकारी सम्पादक- कर्णराज पाण्डे


सूचना विभाग दर्ता नं. १५०५/०७६–७७